විරාමයක්….

නොවැළැක්විය හැකි හේතු කිහිපයක් නිසා පසුගිය කාලයේ බ්ලොග් සඟරාව යාවත්කාලීන කිරීමට නොහැකි වුණා…අත්හදාබැලීමක් ලෙසයි මා මෙම සඟරාව ආරම්භ කළේ…ඉතින් මෙතෙක් පළවු ලිපි නවතම මුහුණුවරකින් නවතම වෙබ් අඩවියක් ඔස්සේ ඔබ වෙත ගෙන එන්නට මා අදහස් කරනවා ….මෙම ඉදිරිපත්කිරීමිවල තිබූ අඩුපාඩු එහිදී නිවැරදි කරගන්නට අදහස් කරනවා….නවතම තොරතුරු ඉක්මනින් ඔබ වෙත ගෙන එන්නම්….

සංස්කාරක

Advertisements

දෙවන කලාපය.  පළමු පිටුව …සඟරා එකතුවෙන්…

නවයුගය 1998 පෙබරවාරි කලාපය…

නිදහසේ 50 වන සංවත්සරය අළලා ලියැවුණු විශේෂ ලිපි අඩංගු වූ මෙම කලාපයේ අංක 1 සිට 9 දක්වා පිටු මෙහි ඇතුළත් ව ඇත…

ඉතිරි කොටස මීළඟ ලිපියේ…..

බස් රස …පිටුව 36

සිංහල භාෂාවේ සහ ඉංග්‍රීසි භාෂාවේ අපට හමු වන යෙදුම්,පිරුළු,ඉඟිවැකි,ආප්තෝපදේශ ආදිය පිළිබඳ ඉතිහාසය සමඟින් රසවත් තොරතුරු එකතුවක් මා සතුව තිබෙනවා.ඉතින් මා අදහස් කළා එම තොරතුරු අතරින් පතරින් තෝරා බේරාගෙන ලිපි කිහිපයක් ඉදිරිපත් කරන්නට.

පළමු දිගහැරුම.

 Don’t judge a book by its cover.

පොතක පිටකවරය දෙස බලා පොත ගැන තීරණය කරන්න එපා.

යමක හෝ යමෙකුගේ පිටත පෙනුම අනුව ඇතුළාන්තය පිළිබඳ අදහසකට එන්න එපා කියන ඉංග්‍රීසි පිරුළක්.

“Appreciate your allowing me to participate,but you should be less trusting,Ellie_can’t always judge a book by it’s cover” 

-Dorothy Cannell ගේ thin woman(1984)ග්‍රන්ථයෙන්.

මෙම පිරුළ මුලින් ම ලේඛනගත වී ඇත්තේ American Speech නම් වාර ප්‍රකාශනයක 1929 වසරේ දී.එහි සටහන් වී තිබුණේ “You can’t judge a book by its binding”ලෙසයි. ඒකියන්නේ පොත බැඳ ඇති ආකාරයෙන් පොත ගැන තීරණය කරන්නට බෑ කියායි.

මීට සමාන තවත් පිරුළු කිහිපයක් ඉංග්‍රීසි භාෂාවේ හමුවෙනවා.

The cowl does not make the monk.

ජටාව පූජකයකු නිර්මාණය නොකරයි.

“Such impostures are sure of support from the sort of people…who think that it is the cowl that makes the monk.”

-ජෝර්ජ් බර්නාඩ් ෂෝ ගේ Music in London (1932) ග්‍රන්ථයෙන්…

මෙම පිරුළ මුල්වරට ලේඛනගත වී ඇත්තේ 1387 දී.ඒ Thomas Usk ගේ testament of love නම් කෘතියේ.එහි  මෙසේ සටහන් ව තිබුණා.

“For habit maketh no monk.ne weringe of gilte spurres maketh no knight.”
Judge not according to appearances.

පෙනුම අනුව තීරණ ගන්න එපා.

මෙම පිරුළ මුල් වරට හමුවන්නේ බයිබලයෙ

න්.”Judge not according to the appearance,but judge righteous judgeman.”(john 7:24)

සිංහල භාෂාවේ ද මීට සමාන යෙදුම් හමුවෙනවා.

උඩින් ඔපේ යටින් හපේ

සමහර විට පිටින් ඔපේ කියා ද තිබෙනවා.මෙයින් කියන්නේ ද බාහිර පෙනුම මෙන් අභ්‍යන්තරය හොඳ නෑ කියලයි.

මේ කතාවත් මීට සමාන අදහසක්  ගෙන දෙන උපදේශ කතාවක්…

මේ කතාව පී.එන් .පුස්සැල්ල මහතාගේ ආදර්ශ පාඨ සහ උපදේශාත්මක කතා ග්‍රන්ථයෙන් උපුටා ගත්තකි.

බුද්ධ ධර්මයේ ද මේ පිළිබඳ කියැවෙනවා.

පුද්ගලයෙක්ගේ යහපත් සිතිවිලි, අභ්‍යන්තරික සංහිඳියාව බුදුදහම අගය කරයි. යමෙක්ගේ චරිත ස්වරූපය කුමන අන්දමක පැවතියද ආධ්‍යාත්මය හොඳින් ඉදිරියට රැගෙන ගිය පුද්ගල චරිත පිළිබඳව අපට බෞද්ධ කථාවල අසන්නට ලැබේ.

“අලඞ්කතො චෙපි සමං චරෙය්‍ය
සන්තො දන්තො නියතො බ්‍රහ්මචාරි”
(දණ්ඩවර්ගය)

යමෙක් විවිධ විසිතුරු දේ, රාජකීය ආභරණ ආදිය පැළඳ සිටියත් ඔහුගේ අභ්‍යන්තරය දමනය වී ඇත්තේ නම් ඔහු යහපත් පුද්ගලයෙක් ලෙස සැලකෙයි.

මෙම ලිපියට…

http://www.budusarana.lk/budusarana/2012/10/15/PrintPage.asp?REF=vision07

ධම්ම පදයේ සූත්‍ර පිටකයේ ද මෙසේ ලියැවී තිබෙනවා.

ඉසකේ පැසුණු පමණින් ස්ථවිර නොවේ .

විද්‍යුත් අවකාශයේ අලුත් ම ළමා සඟරාව

නවතම අත්හදා බැලීමක් ලෙසින් ළමා ලෝකය රසයෙන් දැනුමෙන් පුරවන්නට විද්‍යුත් අවකාශය හරහා ළමා සඟරාවක් ඉදිරිපත් කරන්නට මා අදහස් කළා.මෙහි ලිපි බොහෝ විට විදෙස් පතපොත මගින් උපුටාගෙන ඔබ වෙත ගෙන එනවා.මේ  සඟරාවට ලිපි සපයන්නට ඔබ සියලු දෙනාටම හැකියාව තිබෙනවා.ඔබට ලිපි එවිය හැක්කේ sinhalachild@gmail.com යන ලිපිනයට පමණයි.

මංගල කලාපය එළි දැක්වීම නුදුරේ දී ම සිදු කිරීමට නියමිතයි.

එදා ඔබ රස විඳි  රොබින්හුඩ් /කොරල් දූපත /ෂර්ලොක් හෝම්ස් ආදි කතා,ජනකතා ,ජාතක කතා,බයිබල් කතා ,චරිත කතා,ළමා ගීත, මැජික් විජ්ජා ක්‍රියාකාරකම් ,ගණිත ගැටලු,චිත්‍ර කලාව ,ක්‍රීඩා,ඉංග්‍රීසි යෙදුම් හා වචන බිහි වූ ආකාර,සිංහල ජන වහර,ඉතිහාස කතා,අධ්‍යාපනික ලිපි,පාසල් විභාග පාඩම් මාලා ,සිඟිත්තන්ට වැඩපත් ,පරිසරයට සතුන්ට ආදරය කරන හැටි ආදි ලිපි සමඟ සිංහල දූ දරුවන්ට මෙතෙක් මුණ නොගැසුණු අලුත් ම වීර චරිත සමඟ

සිංහල ළමා සඟරාව ළඟදීම…